Maharaja bur bikram kishore manikya bahadur tei bini nwkhung ni borok rok Tripura ni hamkwrai ni bagwi je samwng khwlai thang kha, abo rok no twi tabuk phano borom rwjakya kho,phiya ba tabuk ni haste hapang lai thanai 2018 bisi o teimontri bokhorok Narendra modi 2014 bisi o montri bokhorok ungwi bajra naharmani ulni simi no nugwi mankha maharaja bir bikram kishore manikya bahadur no chung borom rwoi mankha, kokti salo MBB airport o maharaja bir bikram kishore manikya bahardur ni bronze mangthong no songsai rwoi abo hai khe no kok narugmani nukjakha haste ni montri okra Dr.Manik saha no.bo teibo saklai kha, phai tong nai sal rogo teibo chung kaham habar kiphilwi tub nai haste rogo. chung wansukya je Tripura birkhung khung bathakthai north-east ni bising o joto ni swlai naithothok birkhung bathakthai ung nai.je phuru phatar haste ni simi borok phawi chung bai kok saoh, ah phuru samani nukjago je norok ni airport asuk naithok hwnui.chung ah phuru borom torjagi,abo simi ung kha montri bokhorok Narendra modi ni bagwi no,abo ni logi bo teibo saklai kha, Tripura ni simi kai tham chi eba kai tham chi nwi birkhung sal burum burum no thang phai khwlai oh, tabuk bharat hakotor o Tripura ni map chungjak nukjago. agi rogo phatar haste o thang khe naina nang o Tripura biyang hwnui, tabuk abo rok sana nangya, abo rok simi soi ungkha montri bokhorok Narendra modi ni bagwi no. Haste o bharatiya janata party swnam jak mani ulo joto jati rok no thansa ungwi no samwng khwlai tongkha, ah salo panda o kok narugna phuru abo hai khe no samani nukjakha haste ni tourism tang bedek ni montri Sushanta chowdhury no, bo saklai kha,2018 bisi o bharatiya janata party hapang swnam jak mani ulo puila cabinet achuglai mwng o agartala birkhung bathakthai no maharaja bir bikram kishore manikya bahadur ni mwngui songsai rwna ni bagwi gosimwng naharmani.montri bokhorok Narendra modi ni yak romwi 2018 bisi o bhartaiya janata party hapang ungmani ulo maharaja ni mangthong achugwi chung borom rwkha,abo ni logi bo saklai kha kwtal birkhung bathakthai no 2022 bisi o songsai rwjakha, ah phuru trasnport tang bedek ni simi chung wansuk kha aro oh no maharaja bir bikram kishore manikya bahadur no borom rwna ni bagwo chung aro no mangthong achugrwnai. kokti salo 35 lakh rang bai khwlawi maharaja bir bikram kishore manikya bahadur ni bronze ni mangthong no songsai rwkha kwtal birkhung bathakthai o. Ah salo ah panda no phawi manjak phai mani nukjakha, haste ni thung tang bedek ni montri Tinku roy ni logi borom gwnang adong song bo.
