Kwbangma projects ni bising twi hakotor ni bwrwi rokno sak baithangno bhachawi manna bagwi sak tharwi samung khwlaiwi tongo hakotorni montri bokhorok Narendra Modi. Hakotor ni bwrwi rokno international women’s day ni kha kaham yapharwi LPG cylinder ni dor 100 rupees komiriwi rikha bo. Hakotor rwgwi no nari shakti no thansa khwlaina muchungjago hakotorni montri bokhorok- International women’s day kitingwi songchajak pandao manjagwi phasalo abohai no sakha Tripura mohila morcha ni pradesh president Mimi Majumder. Tripura pradesh mohila morcha ni luajimung bai aulini Borjola ni ‘apna ghar’ oldesh home oh international women’s day palaijakha. Asalni pandao manjakha mohila morcha ni pradesh president Mimi Majumder. Phasalni phungo social media ni bising twi internatinal women’s day no kitingwi hakotor ni bwrwi rokno kha kaham yapharkha montri bokhorok Narendra Modi. Montri bokhorok ni twit khwlaimano joto no poriwi khwnarikha Mimi Majumder. Rwng swrwngmung, hukbar, technology no khobui joto bwkhak ni bwrwi rokno sakao tisana bagwi swmai tangkha kendra haphang. Bwrwi rokni hamkrai ni bagwi ‘beti bhachao, beti parao’ janadhan yojana, pradhanmontri abash yojana, bwrwi rokni safety no khobui kwbangma nangkukmani yapri naharkha kendra haphang. mohila morcha ni pradesh president Mimi Majumder ni khugo kendra ni rangthong montri Nirmala Sitaraman tei hakotor ni president Droupadi Murmu ni kok bo kasawi phaikha. Hakotor ni montri bokhorok Narendra Modi ni jorao bwrwi rokni jeswk samung khwlaikha, aborok no twiwi sakha. International women’s day ni salo abono no palailaikha Tripura pradesh mohila morcha ni members sng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
