2023-2024 bisi ni puila ni pandao je nangkukmani yapri naharjakha, tabokswk jorao ah samung bwtang rokno bwswk jora twi mwkthang khwlaijakha aborok no twiwi cherai naina bagwi sangrong salo kaisa panda songchajakha. Asalni pandao manjakha Tripura haste ni maalmata tangbedekni montri Sudhangshu Das. Asalni pandao montri no karwi bo manjakha salthang hangkhor ni achukphang Dr.Vishal Kumar, hangkhor ni president Haridulal Acharya, 14 Badharghat bidhansabha kendra ni MLA-jwk Minarani Sarkar no khobui kubuni adongrok. Asalni pandao kok narukna thangwi montri sakha, haste haphangni joto peojects ni sep sap rok no Tripura ni paithak lukorogni nog nogo sagwirina bagwi no taltham taltham ni yagulo haste ni maalmata tangbedekni officers rokno twiwi nangkukmani koklam panda khwlaijagwi tongo hinwi sakha bo. Salthang Tripura o khobjak Haphang ni joto projects rok bwswk jora twi mwkthang wngkha aborok no cherwi naina bagwi no asalni panda songchajakha. Kami kami ni lukorog ni rangthong ni hamkrai tei hoda ni hamkrai ni bagwi oh tangbedek belai no nangkukmani yapri naharwi tongo. Oh project ni bising twi haste ni sikla sikli rok sak baithangno bhachawi mano. Haphangni projects ni sep sap rok bwswk jora twi manwi tong, aborok no twiwi no nangkukmani panda songchahakha hinwi sakha montri Sudhangshu Das. Habanogo achugwi nangkukmani yapri naharya karwi, oh yapri rokno bwswk jora twi mwkthang wngkha aborok no cherai naina bagwi no asalni panda songchajakha hinwi sakha Montri Sudhangshu Das. Aboni logi salthang hangkhor oh ahh, toktwi, dudh, mangsa bangrina bagwi tei hoda ni joto lukorog ni thani haphangni sep sap rokno sagwirina bagwi dagikha montri Sudhangshu Das.
