Hakotorni bwrwi rogno borom Rina bagwi no Hakotorni gwnangwi Nari Shakti bhandan Abinandan. Samung bwtang songsajak kha Bjp haphangni bwkhaktwi. Ah samung bwtangni no kaisa bedek wngwi swrang salo , 8 town bordowali mondolni luajimumg Bai Shakti bhandan samung bwtang songsai rijak kha . Ah salni samung bwtango manjak kha hasteni momtri okra Dr. Manik saha , Agartala pura Nigam ni mayor Dipak majumdar tei haste bjp bodolni achukphang Rajib Bhattacharjee ni khobwi kubuni ojama Rog. Ah salo samung bwtangni puila ni bwkhakgo no West bengalni simi nari Shakti bhandan samung bwtang no nailai kha borog. West bengalni ah samung bwtango kok narwk kha montri bokhorok Narendra Modi. Ah salo kok narwkna thangwi montnri okra , modi no twiwi kok sakha . Bo sakha montri bokhorok modi ni phunukjak lamao himwi No samung khwlaiwi tongo haste haphang . Bo teibo sakha , haphangni bwkhaktwi dal bi dal tang bedekni samung bwtango aro 50 % no bwrwi rogno Rina nangnai hinwi. Ah bwkhakgo naharwino samung bwtang khwlaiwi tongo haste haphang . Jaga paina bagwi bwrwi rogni bagwi 1% Mari khiklai rijak kha . Bwrwi rogni kahamni bagwi hasteni kwbangma thaio cctv camera bo thepajak kha .
Khursathai kwlaio ah salo Kolkata oh Bharat Hakotorni puila under water metro line no phiyokgwi rikha montri bokhorok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
