Haphang ni joto project ni sep sap rokno rimani bising twi bwrwi rok no sak baithangno bhachariwi manrina bagwi montri bokhorok Narendra Modi ni dagimung bai kwbangma yapri naharwi tongo haste haphang. Aboni bagwi haste ni joto bwrwi rokni hamar wngwi tongkha. Kwbangma self help group ni bising twi lakhpati wngwi tongbaikha kwbangma bwrwi rok. Tabok khe haste ni bwrwi rokno hukbar khwlaimao sak baithangno banchawi manrina bagwi yapri naharkha Tripura mohila commission. Sangrong salo aulini Gurkhabosti ni Pragga Bhavan o Tripura women commission ni luajimung bai kaisa seminar songchajakha. Asalni pandao manjakha haste ni montri okra Dr.Manik Saha,, hoda hamkrai tei hoda rwng tangbedekni montri Tinku Roy, haste ni mohila commission ni chairpersion Jharna Debbarma no khobui kubuni adongrok. Asalni pandao kok narukna thangwi montri okra sakha, Bharat hukbar bai gwdaljak hakotor, aboni bagwi no hukbar rokni hamkrai wngkhe hakotor ni hamkrai wngnai. Aboni bagwi hukbar rokno kuchugo karina bagwi krishok samman nidi project no chengsawi rikha montri bokhorok Narendra Modi. Aboni logi swkangni simi jerok hukbar ni samung bai kwrwngjak bwrwi no teibu kha-thangsarina bagwi sak tharwi samung khwlaiwi tongo haste haphang. Tamoni bagwi hnk bwrwi rokni hamkrai wngkhe no haste ni hamkrai wngnai. Asalni seminar o hukbar khwlaimao bwrwi rokni yakumu tei kwbangma bithi bwphang kainano twiwi koklam salaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
