Phainai 28 February ni salmario hathai kotor o hunger strick khwlainai haste ni haa bubagra Pradyot Kishore Debbarma. Aboni bagwi kwrak salni diporjora hathai kotor o hunger strick khwlainani thai no thangwi naikha. Asalo koktwma thumnai rokni bswkango bubagra sakha, oh hunger strick tipra motha ni ya, oh hunger strick tiprasani strick. Bo teibu sakha, party ni sai dopha kotor. Tiprasa rokni thinangno safety khwlainani bagwi no abohai yapri naharjakha. 90% tiprasa rokni yagu patta kwrwi, phatar hakotor ni borok rok salbrom no babui tongo chini haste o. Aboni bagwi tiprasa rokni thai kwmarwrwk wngwi tongo. Phainai salo Tiprasa rokni thinang tamo wngnai hinwi kok sungkha bubagra. Aphuru khe tiprasa rokni sakao pressure rijaknai. Bubagra sakha, ani sak hamya, ang aswk sal bhanchigwlak, jefuru fano mungsaswk wngwi mano. Aboni bagwi ang kwthang tongsani tiprasa rokno mungsaya mungsa riwi kwlangnai. Ang keboni sakao bhoj wngna muchungya. MP, montri tei malkhung tei Banglow nawi tamo wngnai, ani swkangni no malkhung tongo. Lukorog ni khao jaga swnamna hnk sacrifice khwlaina nangnai. Aboni logi bubagra koktwma thumnai tiprasa rokno sakha, norok bo puila tiprasa aboni yagulo koktwma thumnai, aboni bagwi chini cherai rokni bagwi wansukna bagwi kok kwcharkha bubagra. Oh hunger strick oh tipra motha ni bana ta thepadi hinwi sakha. Bo teibu sakha chwng keboni against o thangya, chwng chini manthai no India govtment thani sano, India govtment rokno wansukna nango haa ni bwsani rokni bagwi. Tiprasa rokno okologo toniwi sabka saath, sabka bikash wngwi manya. Phatar hakotor ni phainai rokno chwngno tikhalaidi hinwi to saya. Jst chini haa ni bwsa rokni manthai no rina bagwi se govtment of India ni thani sanu hinwi sakha haa bubagra Pradyot Kishore Debbarma. Aboni bagwi oh chubao joto no phaiwi mano. Asalni pandao bubagra karwi bo tipra motha ni CEM, EM no joto bwma bodol sngbo thangwi sagwikha. Hunger strick khwlainani thai no goriwi naiwi phaikha Bubagra Pradyot Kishore Debbarma. Phainai 28 february ni hunger strick oh joto tiprasa rokno manjakna bagwi koikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
