Bhakta rok no nai rwna ni bagwi samwng wbtang yago nahar mani nukjakha agartala badharghat rtail station o. kwrak salo bhakta rok no twi ayodhya o thangkha tei khung sa Astha special train. ah sal ni phung o agartala rail station ni simi ah train no songsai rwkha montri okra Dr.Manik saha. montri okra bana bai khalwi ah train yatra no songsai rwmani nukjakha. rail station o songsa jak mani kaisa panda o montri okra sakha, lai thanai 22 january ayodhya ni ramlala mandir no songsai rwmani bagwi hakotor gwnagwi khatun khaja ung mani nukjakha, abo rok simi ungwi manha montri bokhorok Narendra modi ni bagwi no.Tripura ni simi bo kwbagma bhakta thang mani nugwi tongkha ramlala no darshan khwlaina bagwi.Tripura ni loku rok abo hai sep man ma bai montri bokhorok Narendra modi no hambai yaphar kha montri okra Dr.Manik saha. haste ni simi je borok rok ayodhya o thangwi tongkha, borok ni phasing montri okra saklai kha, borok ramlala ni thani haste ni loku rok ni bagwi surimwng khwlai thung hwnui. montri okra tirtha khwlainai rok bai bo kok samani nujakha, abo ni ulo kokthum thumnai rok ni bwskang o pradesh BJP ni achugphang Rajib bhattacharjee saklai kha, kwdukma jora ni ulo ram mandir o ramlala no achug rwmani samwng bwtang soi ungkha lai thanai 22 january o.ram mandir no songsai rwma ni abo kaisa emang tong mani.montri bokhorok no simi ah emang soi khwlai kha.Ah salni samwng bwtang o phawi manjak phai mani nukjakha MLA Kishore barman tei Tafazzal hossain akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
