Bisi bwrui chi ba romwi kendra o naikolkha congress. hakotor ni bagwi mwngsa bo kaham samwng khwlai liya. congress ni naikolmwng o AIIMS sakham nog bo kwrui tong mani, abo ni simi no sai mankha,kwrui loku rok ni sakham no twi bwsuk jora twi naikol wmng khwlai mani ah jora ni kendriya hapang. Atal bihari bajpayee ni jora o kai dok AIIMS songsa jak kha bharat o. abo ni ulo no 2014 bisi o Narendra modi montri bokhorok ungmani ulo no swlai jak kha,tabuk bharat o AIIMS sakham nok ni mari kwbang ungkha, lai thanai sal chi o hakotor ni dal bidal thai oh teibo kai sini AIIMS no songsai rwkha montri bokhorok. udaipur bwkhaste ni rajarshree kalakhetra o phawi manjak phawi tang salo abi hai khe no sakha salthang Tripura loksabha kendra ni dagiphang eba bharat hapang ni prati montri Pratima bhowmik. bharat hapang ni ADIP samwng bwtang tei artificial limbs manufacturing corporation of india tei hangkor naikolnai ni luajimung bai gomoti hangkor divyanga rok ni bising o AIDS tei assistive device mangnang no bagwi rwjakha ah salo. tang salni panda o phawi manjak phai kha Tripura hapang ni minority welfare tang bedek ni montri Sukla charan notia, matabari ni MLA Abhisekh debroy,MLA Jitendra majumdar, udaipur poura parisad ni naikolnai Shital chandra majumdar, gomoti hangkor ni hangkor naikolnai Tarit kanti chakma tei hangkor police naikolnai Namit pathok. tang salni panda o phawi manjak phawi Tripura hapang ni minority welfare tang bedek ni montri Sukla charan noatia bo, bwrui rok ni phasing naharwi ah salo kok samani bo nukjakha bono. Gomoti hangkor ni kai char block ni 704 jona divyanga loku rok ni yago magnang no AIDS tei assistive device yapahrwi rwjakha tang salo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
