Muhuripur amchaini carrent swnamwi tongphuru carrent short nangwi belai no sak derakha Gopal Paul mungwi khorok sa phereng tangbedekni sebok. Aboni logi logi no bono GB sakham nogo refer khwlaijakha. Carrent swnamwi tongmani jorao atomsa khe short nangwi sakni yagra bwsak khamwi thangkha bini. Tabok emergency burn ward o bono naikolwi tongo. Chasalo bini operation wngnani kok tongmani, phiyabha sago aswk thwi kwrwi ni bagwi operation khwlaiwi manliya. Patimungni koktwma manwi GB sakham nogo thangkha phereng tangbedekni montri Ratan Lal Nath. Dr. rok bai kaham khe kok sakha bo, tei bahai khe dakti dakti hamnai bini tangbedekni sebok aborokno twiwi dr bai kok sakha. Asalo koktwma thumnai rokni bwskango bo sakha, phereng tangbedekni bwkhak twi jeswk nangsak chubachu khwlainai . Sak naikolmungo mungsa fano kom wngyani bagwi dr. rok bai kok sakha bo. Thwi kisa nangmani bagwi haste ni kwbangma songstha rokno bwskango agugwi phaina bagwi koikha bo. Phereng tangbedekni sebok Gopal Paul ni account oh 30 thousand rang already transper khwlaijakha, teibu 50 thousand rang bini account o phereng tangbedekni bwkhak twi rahorjakha hinwi sakha. Jeswk nangsak chubachu khwlainai. Bo teibu sakha, ekdom serious condition ya, phiyabha bini sakni yagra bwsak kisa khamkha, phiyabha dr. rok chaitogwi tongo bahai khe bono kaham khwlaiwi mano. Phasalo haste o kiphilkha phereng tangbedekni montri, phiyabha patimungni koktwma manmani logi logi no chasalni phungo sak deranai sebokni koktwma naharna bagwi GB sakham nogo thangkha phereng tangbedekni montri Ratan Lal Nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
