National press day no kitingwi sokat mannai koktwma thumnai rokno twiwi kaisa committee swnamkha kokthum tei hukumu dagimung tangbedek. Abono twiwi kokthum tei hukumu dagimung tangbedek je yapri naharkha abo haste ni koktwma thumnai rokni thani sagwimani yagulo kwbangma kok sungmung achaikha. Abono twiwi phasalo Agartala press club naikolnai committee ni bwkhak twi kaisa kokthum panda songchajakha. Abono twiwi Agartala press club ni president Jayanta Bhattacharya sakha, bisi brom brom no national press day o haste ni koktwma thumnai rokni bisingo khorok sa no borom tei sokat rijagwi tongo. Oh panda press club tei haste ni kokthum tei hukumu dagimung tangbedek ni luajimung bai wngwi tongo. Aboni logi koktwma thumnai rokni bisingo sabo sokat manai abono twiwi press club ni support bo nango. Swkango oh raida no maniwi no koktwma thumnai rokno sokat rijagwi tongo. Phiyabha 2023 bisi ni 16 november oh Agartala press club tei kokthum tei hukumu dagimung tangbedek ni luajimung bai national press day o kaisa panda songchajakphano, kono mungsa bisingni patimungni bagwi khorok sa koktwma thumnai rokno fano borom rijakliya. Thanai bisi ni borom manyano koktwma thumnai rok no borom rina bagwi 16 february kaisa committee swnamjakha. Phiyabha wanama sinsa kok wngkha, ah committee oh Agartala press club o samung khwlaiwi tongnai comiittee members rokni khorok sa ni fano mung narwkjakliya. Oh patimungo haste ni montri okra no kisa narikna bagwi koikha Agartala press club ni committee sng. Borok ni sanmung wngkha swkangni simi choliwi phaimani raida no thepana bagwi tei tabokni swnamjak committee no batil khwlaina bagwi koikha borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
