Bisi kolokma 23 years ramwi camp o tongmani yagulo paithago Tripura haste yakarwi Mizoram haste o thangkha Tripura ni Bru Reang sng. 1997 bisi o danga nangmani bagwi Mizoram ni kharwi Tripura o phaikha 35 thousand Bru rok. Borok ni sak baithangni haste o kiphilwi twlangna bagwi wai re wai no kendra haphang tei Tripura tei Mizoram haphang koklam salaikha. Phiyabha mungsa bo wngliya. 2018 bisi o Tripura ni montri okra wngmani yagolo Bru Reang ni jwngjal no mwthakna bagwi chaitokha ah jorani haste ni montri okra eba tabokni rajyasabha ni MP Biplab Kumar Deb. Ah jorao home minister Rajnath Singh, Mizoram haste ni montri okra Lalthan Howla, tei bru bodol ni ojama sngbai koklam panda khwlairikha Biplab Kumar Deb. Aro yapri naharjakha 2019 bisi ni 30 november ni bisingo Bru rokno Mizoram o kiphilwi twlangjak. Joto bru refugees nukhungno 4 lakh rangni manwi khwnwi tei 2.5lakh case rang rinani bagwi yapri naharkha. Aboni logi talbrom no 5 thousand rang tei magwna ration rijaknai bisi nwi ramwi. Abohai khe no Mizoram o kiphilwi thangkha 171 nukhungni 844 members sng. Aboni yagulo New-Delhi ni Citizenship Amendment Bill no twiwi koklam salaimani jorao refugges sngno Tripura o tongnani bagwi kok rikha union home minister Amit Shah. Aboni logi bru refugees sngno Tripura tongsoknani bagwi kok rikha ah jora ni montri okra Biplab Kumar Deb. Union home affairs tangbedekni thani 500 hundred refugees sngno Tripura o toninani kok no twiwi offer horkha Tripura haphang. Bru refugees sngno Tripura o tonina bagwi Ambasa bwkhaste ni Hadukpara tei Longtorai Valley bwkhaste ni Bongafa parao thai saman khwlaikha, lama swnamjakha tei carrent ni sep sap khwlaikha. Joto samung paimani yagulo tabok aro no tongwi tongo kwbangma bru dopha ni borok rok. Abohai kwthar tei lukohamkrai khwlaimung yapri naharmani bagwi phasalo Agartala press club o kaisa kokthum panda khwlaiwi hakotor ni montri bokhorok Narendra Modi, union home minister Amit Shah tei haste ni kwcham montri okra eba rajyasabha ni MP Biplab Kumar Deb no hambai yapharkha Tripura o tongnai Bru reang refugees sng. Tripura haste ni montri okra tongmani jorao haste ni lukorog ni hamkrai ni bagwi samung khwlailangkha Biplab Kumar Deb. Montri okra ni achukthai yakarmani bisi nwi laimani yagulo tabok fano mungsa bo pokya. Tripura ni lukorog bono hamjwk riwi no tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
