Tripura haste ni Governor Indrasena Reddy Nallu ni yak ramwi sangrong salo Fatikroy school ground o chengsajakha ‘Milan Mela’. Sangrong salni simi chengsawi phainai koktisal eba 25 february jora cholinai oh Milan Mela. Sal bwrwi ni oh melao sarikphangni dam ba ni simi dam chuku jora haste ni artist rok rwchapnai. Salbrom ni dam char ni simi dam chi jora phatar haste ni artist rok rwchapnai. Mela ni puila ni salo rwchapnai haste ni mung gwnang bwrwi rokni band ‘Magvalika’ bodol, 2nd ni salo rwchapnai Bangladesh ni baul rwchaplwrwng Sagar Baul, 3rd ni salo rwchapnai bollywood ni rwchapkwrwng Akriti Kakkar, 4th ni salo rwchapnai bollywood ni rwchapkwrwng Ash King. Sangrong salo oh milan mela phiyogmani pandao manjagwi haste ni Governor Indrasena Reddy Nallu sakha, abohai panda khwlaimani kaisa no nasikmung, abo wngkha sikla dopha no phekjaknai manwi ni yak ni norwi toninani. Asalni pandao Governor no karwi bo manjakha haste ni maalmata tangbedekni montri Sudhangshu Das, Tripura bidhansabha ni speaker Biswa Bandhu Sen, haste ni thwng tangbedekni montri Tinku Roy.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
