Salgwra Tripura hangkor kadamtala thana police ni naikol mwng tong phano totra o daa berawi nagkuk mani manwi khunwi khogwi twlang thangkha sikok ni bodol. khogwi twlang thang kha rang, rangchak ni manwi, mobile phone ni logiself help group banking ni kagoj.kadamtala thana ni simi kisa hakchal salsi kadamtala kami panchayet ni 2 no.ward ni sishu niketan gana amchai ni tong nai khorok sa rwng phwrung nai Nirmal nath ni nogo kirima sinsa khe sikok akarkha swrang sal ni hor kwthugo. hor ni dam nwi o nuka ni grill tala swbawi nok bising o habkha khorok nwi sikok.atomsa khe sikok no nugwi manwi chirikha Nirmal nath ni bisi chi ni bwsajwk. ah phuru no bini totra o daa berawi humki rwkha sikok ni bodol. chwrai bwsa ni totra oh daa berawi nok ni je manwi tong mani joto no khogwi twlang thangkha sikok ni bodol.logi logi no kadamtala tahna o koktwma rwjak phano hor ni dam tham o phawi sokphai kha borok.pati mwng thaio phawi naikolwi teisa phung o phainai hwnui sawi kwlang thangkha nai mwthang bodol. phiya ba cherwi naikolna bagwi tei thangliya nai mwthang bodol. sangrong sal ni phung o kadamtala thana o kaisa sikok akarmani borok ni nogo kaisa dorbar khwlai phano police ni bwkhak twi mwng sa bo sep manliya hwnui kok silsamwng khwlai kha nok ni nokphang Nirmal nath.deramwng o kwlai kha 2 lakh rang hwnui sakha. tei khak sa phasing khe Ranjit nath ni mwngui khorok sa amchai ni tong nai saklai kha, lai thanai tal nwi romwi sikok akar tong mani kwbang ungwi tong kha kadamtala thana amchai o,kirima sinsa habar ni bising twi no tongwi tongkha tong kosong loku rok. kadamtala bazar samiti tei amchai ni loku rok thansa ungwi thana o deputation rwphano police ni bwkhak twi mwng sa bo sep nahar jakya ungwi tongkha, joli lai mwng phunok kha tong kosong loku rok, tong kosong loku rok no tabuk thansa ungwi horo kami o naikolmwng khwlai tongkha.Abo hai khe kwbang sikok akarwi tong kha phiya ba police naikol mwng khwlaiya ungwi tong kha, tabuk khe mo tri okra Dr.Manik saha ni phasing nasing laijak kadamtala ni tong kosong loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
