Kami kamini lukorog borokni jwngjal no twiwi aulini SDM ni habanogo phaina nango. Tei online ni bising twi doccument joma rinani bo belai no jwngjal. Ah kok rokno wansugwi no kaisa nangkukmani yapri naharkha Tripura haphang- Sangrong salo Mobile van phiyogmani pandao abohai no sakha salthang Tripura hangkhor ni achukphang Dr.Vishal Kumar. Asalni pandao bwrwi rokni self help group ni members sngni yagu kai ba CSC Mobile van yapharwi rikha hangkhor achukphang Dr.Vishal Kumar. Asalo bo teibu sakha, bwrwi rokni self help group ni naikolmung bai no samung khwlainai Mobile van. Oh mobile van ni bising twi Hangkhor ni beser beser oh haphangni naikolmung sagwinai. Aadhaar Card bai link khwlainani, je kono certificate, banking rok no khobui joto bwkhakni samungo no chubachu khwlainai oh mobile van. Oh projects ni bising twi kami kami rogo belai no hamkrai wngnai hinwi kha- khwlaikha salthang Tripura hangkhor ni achukphang Dr.Vishal Kumar. Salthang hangkhor ni kwbangma block tei joto panchayat rok no goriwi borok ni service rinai CSC mobile van.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
