Loksabha chongmari ni swkang bodol ni samwng khwlainai tei adong song no twi BJP ni bwkhak twi teibo phan kwbang khwlai nani bagwi sakthar mwng rwkha, lai thanai 17 tei 18 february sal mario new delhi no bharat mandapam o songsa jak kha bharatiya janata party ni sal nwi ni national sommelon. phai tong nai loksabha chongmari o hakotor ni joto achugthai no teibo phan kwbang khwlai nani bagwi bo sakthar mwng rwkha montri bokhoork Narendra mldi tei bharatiya janata party ni saraba bharatiya achugphang JP. nadda. 2024 ni loksabha vote no twi achuglai mwng khwlai jak kha. joto hakotor ni 11 thousand’s naikol nai rok phawi manjak phaikha BJP ni ah national sommelon oh. abo ni logi phawi manjak phai kha kendriya union home minister Amit shah, hakotor ni joto haste ni BJP achugphang, loksabha ni convener, finance committee, media cell ni convener tei IT cell ni samwng khwlainai rok bo. new delhi o sal nwi ni achuglai mwng pawi kwrak salo haste o kiphilwi khuk kengkha bharatiya janata party ni pradesh achugphang Rajib bhattacharjee. kwrak salo haste o kiphilwi pradesh BJP mohila morcha ni achugphang jwk Mimi majumdar bo MBB airport o phawi kokthum thum nai ni bwskang o saklai kha, phai tong nai loksabha vote o lai thanai bisini se 105 vote kwbang ung nai BJP ni. ah naikol mwng no bwskang o tonwi samwng khwlai tong kha hakotor ni montri bokhorok Narendra modi.sal nwi ni achuglaimwng pawi Tripura o kiphilwi kwrak salo kok samani nukjak kha bharatiya janata party ni pradesh tangphang Bipin debbarma bo, bo saklai kha, 2024 bisi ni loksabha vote no twi lama phunugwi rwkha montri bokhorok Narendra modi. joto miliwi sai mankha, loksabha vote ni swkang bodol ni adong tei samwng khwlainai rok no teibo kwrak ung nani bagwi samwng khatorwi rwkha montri bokhorok Narendra modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
