Hoijak koktwma ni bising twi saimankha Teliamura bwkhaste police okra naikolnai Prashun kanti Tripura, tang salni sanja jora manikbazar amchaio khorok sa sikla no phekjak nai manwi bai rom kha amchai ni loku rok.bwkhaste police Teliamura thana ni police no logi twi pati mwng thaio thangwi swng mwng khwlai khe sai mankha ah sikla manik bazar amchaio no Ajit debbarma ni thani phekjaknai manwi paio. bwkhaste police Prashun kanti Tripura ni twidulmwng bai teliamura thana ni police Ajit debbarma ni nogo naitug mwng khwlai kha,naitung mwng khwlawi police Ajit debbarma ni nok ni simi kai tham chi chuku kotra drug’s abo ni logi cash rang man kha.police phai nai hwnui sai manwi Ajit debbarma kharwi thang kha,abo ni ulo amchai ni loku rok bai kok sawi sai man kha Ajit ni bwta okra Ranjit debbarma bo phekjak nai manwi bania khwlaio.abo ni ulo Ranjit debbarma ni nogo thangwi bo naitug mwng khwlai kha,naitug mwng khwlawi Ajit ni bwta okra Ranjit debbarma ni nok ni simi 1 lakh 61 thousand’s rang man kha.ulo police Ajit no romwi manya phano bwtal okra Ranjit no romwi Teliamura thana o tubwi phai kha
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
