Phainai Loksobha chongmarini kok no wansugwi BJP bodol rok jugalwi tongo. Haste ni kainwi achukthai no hakotor ni montri bokhorok Narendra Modi no rina bagwi sak tharwi samung khwlaiwi tongo BJP bodol. Aboni wngwi no bodol ni pradesh level tei mondal level o kwbangma panda khwlaijagwi tongo. sangrong salo pradesh BJP ni yubha morcha ni luajimung bai aulini Gitanjali guest house o kaisa nangkukmani koklam panda songchajakha. Asalni pandao manjakha pradesh BJP ni president Rjib Bhattacharya, Pradesh BJP ni general editor Amit Rakkhit, Bharatiya Janata yubha morcha ni pradesh president Sushanta Deb. Asalni panda chengmani yagulo koktwma thumnai rokni bwskango pradesh BJP ni president sakha, phainai loksobha chongmarino bwskango toniwi no gram cholo abhiyan songchajakha. Bodol no teibu kwrak khwlaina bagwi yubha morcha ni belai no yakumu tongo. Loksobha ni sai swkang bodolno teibu kwrak khwlaina bagwi no asalni panda hinwi saimankha
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
