Yakchi bodol ni bobak TSU dadak sidak motha ni rwng swrwngnai bodol TISF tei haste haphangno kebengwi kok sakha. TSU rok koksilsakha, kokborok roman script ni choba khwlaimani abo kaisa sadukjak natok, tei thwngrwng habarni faida ni bagwi se ah natok khwlaijago hinwi koksilsakha. Sangrong salo TSU ni bwkhak twi Agartala ni Chatra Bhavan o kaisa kokthum panda khwlaijakha. TISF no kebengwi question tisakha, UGC ni raida no rwgwi Tripura University ni simi jephuru S.T, S.C, O.B.C, rok ni Reservation tisawi rijakha, ah jorao tamoni bagwi chobao ongkhorya? ADC amchaio 160 rwngnogo khorok sa phwrwngnai ni bising twi se rwngnog chalokjagwi tongo. Phiyabha mungsa choba wngya? 12 february Dharmagot ni salo mungiakami ni kaisa koisu school o exam choliwi tongo picketers rok exam rinai rok no class ni tikhalwi rikha. Rwng swrwngnai rokni bagwi samung khwlainai rok bahai khe abohai samung khwlaiwi mann? sungmung tisakha TSU ni ojama sng. Aboni bagwi no abohai ni thwng rwng habar ni kakgwi rwng swrwngnai rokni bagwi samung khwlaina bagwi koikha yakchi bodolni bobok TSU ni ojama sng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
