Swrang salni sarikphango Agartala railway station o Ayodhya o thanai special train no phiyogwi rikha haste ni montri okra Dr.Manik Saha. Montri okra bana phonogwi ah train no phiyogwi rikha. Railway station o songchajak asalni panda o kok narukna thangwi montri okra sakha, sini chi bisi ramwi haste o nastik ni habar tongmani. 2014 bisi kendra o montri bokhorok Narendra Modi ni twidulmung bai haphang swnamjakha tei haste o kaisa kwtal haphang swnamjakmani yagulo kaisa kwtal habar achaikha. 22 january ni salmario Ayodhya o Ram mondir phiyogmani bising twi hakotor o kaisa kwtal habar achaikha. Montri okra teibu sakha, montri bokhorok ni twidulmung bai hakotor ni rangthong hayungni 5th number tongmani abo 3th number o thangwi sagwinai. Haste ni jerok Ayodhya o thanai, borokno montri okra sakha, Bhagavan Ramlala ni thani haste ni hamkrai ni surikha bagwi koikha bo. Ah special train 16 february ni salmario Ayodhyao thangwi sagwinai. Asalni pore haste o kiphilwi phainai 19 february ni salmario Agartala o sokphainai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
