United Arab Emirates thangmani yagulo Qatar o thangwi sagwikha montri bokhorok Narendra Modi. Swrang salni horo Qatar capital Doha o thangwi sagwikha. Qatar ni raja Sheikh Tamim bin Hamad Al Thani bai koklam panda khwlainai Modi. Sal kisa swkangno Qatar o chopjak khorok char indian navy officers rok phiyogwi rijakmao, montri bokhorok Narendra Modi tei kendra haphangni kaisa kotor Diplomatic victory hinwi wansukkha sinai nuknai rok. UAE o salnwi ni bagwi thangwi BAPS ni hindu mondir no phiyogwi rikha montri bokhorok Narendra modi. Khungnwi hakotor ni bisingo halokni kok rok no bo sawi khwna rikha bo. Aboni yagulo Abu Dhabi simi Qatar o thangkha Modi. Bini birkhung kholao lamsokna bagwi thangwi sagwikha Qatar ni Foreign minister Sultan bin Saad Al-Muraikhi. Ministry of Foreign Affairs ni bwkhak twi sakhwlaijakha, khungnwi hakotor ni bisingo kaham halok swnamna bagwi Qatar ni kuchuk berem ni ojama sngbai koklamo achuknai montri bokhorok Narendra Modi. Swrang salni horo Qatar ni montri bokhorok Sheikh Mohammed bin Abdul Rahman bin Jassim Al Thani bai malaikha montri bokhorok Narendra Modi. Montri bokhorok Narendra Modi bo sak baithangni twitter o post khwlaiwi swikha, Bharat-Qatar ni bisingo teibu kaham halok wngnai hinwi kha-khwlaikha bo. 2016 bisi ni yagulo puila Qatar o thangkha montri bokhorok Narendra Modi. Khursathai kwlaio thanai bisi ni paithago Qatar ni dorbarphang espionage ni koksilsamung bai khorok char indian navy officers rok no death penalty rikha. Phiyabha Bharat haphang kwrwngmani yagulo sal kisa swkangno Qatar ni naimwthang bodol ah khorok char navy officers rok no phiyogwi rikha. Aboni yagulo Bharat hakotor o kiphilkha borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
