West-bengal ni salgwra 24 porgana hangkhor ni Sandeshkhali amchaio bwrwi rok no rape khwlaijakmani tei gang rape khwlaijakmano kebengwi thanai sal kisa ramwi West-bengal o belai no tungphwlajak. Oh patimungo amchaini ojama eba Trinomool ni ojama rokni mung bwskango phaikha. Governor tei Mohila commission ni thani mamla khwlaikha bwrwi rok. Bwswk jora twi borok no satok pitok tei romphere somphere khwlaiwi tong, aborok no swbai sukurwbwi saikhwna rikha satokjaknai bwrwi rok. Borok no tamo tamo khwlai, sabo kebengwi mamla khwlainai abo joto no khobui mohila commission no sakha bwrwi rok. Aboni logi amchaini lukorog teibu sakha, ‘chwla rok nogo se ma tongya’. Rihinwi twlangwi botok khwlaio hinwi sakha. Hor ni dam chi o chwla rokno nogo tongdi hinwi, bwrwi rok no bodol ni meetingo rihinwi twlangjago hinwi sakha. Abo bahai raida? Oh patimungno belai no selengma sinsa tei kha baijaknai patimung hinwi sakha Hakotor rwk Bharatiya Janata Party ni president Jagat Prakash Nadda. Bo teibu sakha, bwrwi rok no romphere somphere khwlaimani tei gundabaji patimung salbrom no west-bengal o patiwi tongo phiyabha aroni naimwthang bodol tabok fano siring siring. Haste ni low & order twrwk baiwi tongo. Sandeshkhali ni oh patimung no twiwi swrai swrai khe naicherna bgwi sangrong salo khorok dok members ni kaisa kuchuk berem ni committee swnamkha JP Nadda. Ah committee ni bisingo tongo kendriya prati montri Pratima Bhowmik tei Annapurna Devi. Borok no karwi bo tongo khoroktham MP
Sunita Duggal, Kavita Patidar, Sangeeta Yadav tei Uttarpradesh ni MP Brijalal. Sandeshkhali ni joto patimungno twiwi dakti dakti no JP Nadda no report khwlainai borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
