Bwrwi rokni phan bari rina bagwi kwbangma hamkrai samung bwtangni yapri naharwi tongo haste haphang. Hakotor no kuchugo twlangna bagwi sak tharwi samung khwlaiwi tongo bwrwi bodol. Bwrwi rokni hamkrai khwlaimani bising twi no hakotor tei haste ni hamkrai wngwi manai. Aboni phasing nasigwi no samung khwlaiwi tongo haste haphang- kwrak salo ‘beti bhachao, beti parao’ ni samung bwtango manjagwi abohai no sakha hoda hamkrai tei hoda rwng tangbedekni montri Tinku Roy. ‘Muskan’ projects bai khobjak Agartala city ni Muktadara hall o songchajak asalni pandao bwrwi bwsa rokno borom yapharkha. Asalni pandao manjagwi montri Tinku Roy sakha, rangthong tei sak baithangno bhachawi mana bagwi kwbangma yapri naharwi tongo haste haphang. Bwrwi rok sak baithangno bhachawi manthung, hayungni bwskango hakotor ni kung chukrithung- oh wansukmungno twiwi no samung khwlaiwi tongo hakotor ni montri bokhorok Narendra Modi. ‘Beti bhachao, beti parao’ samung bwtangni bising twi no kuchugo kanai kamini bwrwi rok. Sak baithangni talent no phunugwi manai borok. ICDS projects tei salthang Tripura hangkhor ni chubachu bai asalni pandao manjakha salthang Tripura hangkhor ni president Haridulal Acharya, Agartala municipal corporation ni mayor Dipak Majumder tei deputi mayor Manika Das Datta.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
