Kendriya prati montri Pratima bhowmik ni yak romwi BJP bodol ni bana romkha nwkhung nwi chi tham ni khorok sini chi voter. BJP 22 sonamura mandal ni 50 no. booth o BJP ni luajimung bai kaisa sabh khwlai jakha, ah sabha o phawi manjak phai kha kendriya prati montri Pratima bhowmik,mondal achugphang Bisawjot das, mondal tangphang Abdul jolil, dhanpur bidhansabha kendra ni MLA Bindu debnath. ah sabha o CPIM ni samwng kwlainai eba kwcham panchayet ni okra naikolnai Gouranga pal ni logi nwkhung nwi chi tham ni khrok sini chi voter kebeng nai bodol yakarwi BJP bai gwdal phaikha, bodol bai gwdal phai nai rok no bodol ni bana bai khwlawi no lamsogmwng yapharkha kendriya prati montri Pratima bhowmik tei BJP bodol ni ungwi samwng khwlainai tei naikolnai rok.kendriya prati montri Prtima bhowmik kokthum thumnai ni bwskang o saklai kha lai thanai tal sa romwi haste ni dal bidal thai o kebeng nai bodol yakarwi voter rok BJP bodol bai phawi gwdal phai tongkha, ah salo sonamura bwkhaste ni panchayet ni kwcham okra naikolnai, amchai ni tong nai Niranjan pal ni logi khorom sini cho voter BJP bodol bai gwdal phaikha. BJP bai gwdal phai mani no twi CPIM ni kwcham panchayet okra naikolnai Gouranga pal CPIM bodol yakarwi BJP bai gwdal phai mani no twi khuk keng mani bo nukjakha. abo ni ulo bodol ni bana bai lamsogwi naharkha kendriya prati montri, ah salni panda o kwbang no loku rok phawi manjak phai mani bo nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
