Hayungni bwskango Tripura haste ni tourism spot no tisana bagwi kwbangma samung bwtangni yapri naharkha haste haphang. Haste ni tourism spot ni hamkrai ni bagwi Narikelkunja amchaio chi nwi homeset swnamjakha. Jampui hill oh bo homest swnamwi tongo. Homeset policy swnamwi phainai salo haste ni kwbangma bwkhaste o abohai homeset chengsana bagwi wansukmung naharkha haste haphang. Aboni karwi bo teibu tourist swnamwi tongo, aroni bisingo Chittapara, Amulyasadan para, Twin Island. Tripura haste ni tourism spot no teibu bahai khe hamkrai khwlaiwi mano abono bagwi tal tham ni yagulo tangbedekni bwkhak twi review meeting khwlaijagwi tongo. Koklam salaimani yagolo tourism ni hamkrai ni bagwi kwbangma nangkukmani yapri naharjagwi tongo. Tangsalo Aulini state guest house o tangbedekni kwchuk berem ni officers rok no koklamo achukkha haste ni tourism spot tangbedekni montri Sushanta Chowdhury. Asalo bo teibu sakha, tangsalo no Narikelkunja ni chi nwi homest phiyognani kok tongmani, phiyabha TISF ni bwkhak twi bandh dakukmani bagwi no ah samungno mwthagwi tonijakha hinwi sakha bo. Asalni pandao bini logi phaiwi manjakha haste haphangni Home Secretary Dr.Pradip Kumar Chokroborty, rangthong tangbedekni secretary Apurbha Roy, Bolong tangbedekni kwchuk berem ni officer Rabindra Kumar Shil, Chief worldwild warden Prabin L Agarwal, tourism tangbedekni Secretary Uttam Kumar Chakma, tangbedekni naikolphang Tapan Kumar Das, PWD tangbedekni chief architect Rajeev Debbarma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
