Thwimwrajak ungwi khorok sa bwrui no lama o kwlai jak mankha hor bwthar nai tang bedek ni samwng khwlai nai rok. patimwng mungiyakami thana bai khobjak salbagan amchai ni simi sangrong sal ni horo ah bwrui no kwlai jak mankha, pati mwng o saimankha sangrong sal ni horo teliamura hor bwthar nai tang bedek o koktwma phawi sokphai kha khorok sa bwrui lama o thwimwrajak ungwi salbagan amchai o kwlai jak.koktwma manwi ah bwrui no khochawi teliamura bwkhaste sakham nogo twlangwi thangkha hor bwthar nai tang bedeka ni samwng khwlai nai rok. ah bwrui ni mwng Laxmi debbarma,umar bwrui chi ba bisi ni. belai khe no sago dukhu man ma bai sakham nok ni saknaikol nai rok aguli ni GB sakham nogo refer khwlaikha. tei khak sa phasing khe pati mwng no twi amchai ni no khorok sa bwrui saklai kha, bobo hai khe pati mwng pati kha abo rok kebo sai manya kho tabuk sak. tei khak sa phasing khe mungiyakami thana ni bwkhak twi sai mankha, nogo bihik tei bwsai ni bising o kok banglai tong mani, ah kok banglai mani no twi no abo hai pati mwng pati kha na hwnui, abo ni ulo mungiyakami thana ni police kok silsamwng manwi hor ni bising o no sago dukhu man nai Laxmi debbarma ni bwsai Uttam debbarma no romwi thana o tubwi phai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
