Sangrong salo AD Nagar ni panchayatiraj training institute oh Tripura Fair Price Shop Directors Association ni 26 bisi haste sammelon no phiyogwi rikha haste ni montri okra Dr.Manik Saha. Asalni pandao bono karwi bo manjakha chamung tangbedekni montri Sushanta Chowdhury, Agartala municipal corporation ni mayor Dipak Majumder, BJP ni haste pradesh ni president Rajib Bhattacharya, MLA-jwk Mina Rani Sarkar, Tripura Fair Price Shop Directors Association Convenor Pradeep Chand, Sekhar Acharya tei haste ni kwbangma bwkhaste ni ration dealer rok. Asalni pandao kok narukna thangwi montri okra sakha, oh ration ni bising twi haste ni beser beser ni lukorog kom dor bai chamung nungmwng ni manwi khwnwi manwi tongo. Kubuni tangbedekni hai khe no oh tangbedek oh swrai swrai khe lukorog no chamung nungmwng ni manwi khwnwi rina bagwi swmai tangjak haste haphang. Asalni pandao chamung tangbedekni montri sakha, hakotor yoksamani yagulo abono puila Bharat hakotor ni montri bokhorok je,82 crore bharat ni tong nai loku rok no magnang no 5 kg. khwlawi mairum rwoi tongkha, montri bokhorok lama phunok mani kahai khe no samwng khwlai tongkha haste hapang bo.oh hapang ni joto ni swlai kotor naikol mwng, bwrui rok no phan kwbang khwlawi tisa nani tei bwrui rok no mwngsa lama twi phano usulwi tongwi mangalak, abo ni bagwi haste ni kwbangma bwrui rok no ration ni dealership bajra yapharwi rwoi ah salo saklai kha pradesh BJP ni achugphang Rajib bhattacharjee, abo ni logi bo teibo saklai kha, bharatiya janata party hapang loku rok ni bagwi phai tongnai 2047 bisi jora haste tei hakotor oh bharatiya janata party ni hapang ni naikol mwng no tong nai hwnui.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
