Natural disaster tei dalbidal ni hamya jorao choba khwlaina bagwi jugaljak Tripura haste ni joto hangkhor ni disaster management authority ni adongsng. Tei oh authority ni bising twi Natural disaster eba teibu kubuni hamya jorao safety manwi tongo haste ni lukorog. Salthang hangkhor ni Disaster Management group ni bwkhak twi sangrong salo Agartala town hall o kaisa samung bwtang panda songchajakha. Sal kisa swkangni patimungo belai no tharwi samung khwlaikha Tripura haste ni oh authority. Phainai salo kotor mungsa swk patimung patikhe, ah patimungni bahai khe banchiwi manai aborok no twiwi no sangrong salo kaisa panda songchajakha. Nangkukmani jorao hor bwtharnani manwi khwnwi rok bahai use khwlaina nang, aborok no twiwi training khwlairijakha asalo. Salthang hangkhor ni simi chengsawi phainai salo kubuni hangkhor oh bo abohai training songchajaknai hinwi sakha salthang hangkhor ni achukphang Dr.Vishal Kumar. Sangrong salni ah samung bwtang pandao manjakha salthang hangkhor ni additional hangkhor achukphang Subhash Chandra Saha, haste ni Project Officer Dr. Sarat Kumar Das, hangkhor ni fire officer Mohan Debbarma tei salthang hangkhor ni Disaster Management Department ni officer in-charge Bishnupad Roy
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
