Samwng ni bagwi phawi eba manab pachar bai gwdal jagwi dal bidal jora oh bharat o kwcha jak khorok chi nwi bangladeshi no hakotor o kiphilwi rwkha bangladesh high commission. illegal bai habmani bharat o abo ni bagwi satug mwng rwjak mani ah satug mwng rok pawi kwrak salo agartala- akhaura checkpost bai khwlawi sak ni hakotor eba bangladesh o kiphilkha borok. agaratla ni bangladesh high commission ni bwkhak twi borok ni nok ni borok ni yago tisai rwkha. ah salo migration programme ni bwkhak twi chamwng,counseling tei chubachu bo rwjak kha, checkpost o phawi manjak phai kha bangladesh high commissioner Arif mohammad, migration programme ni deputy manager Saila sharmin tei khorok chi nwi bangladeshi nok ni borok rok.ah salo kokthum thum nai ni bwskang o bangladesh high commissiner saklai kha, ah khorok chi nwi bangladeshi rok ni bising o khorok sa umar kasukya bwrui bwsa tei khorok chi sa samwng ni bagwi dal bidal jora oh illegal khe Tripura oh habna phuru romkha borok no. abo ni ulo adalat ni gosi mwng o borok no jail o rohor jak kha, abo ni ulo borok ni simi mwng rok kaham khe cherwi naikolwi home affairs tei foreign affairs mantranaloi ni gosi mwng o hakotor o kiphilwi rwna ni bagwi bharat hapang ni thani sakha bangladesh high commission.abo ni logi bo saklai kha, bangladesh ni simi bharat tei bharat ni simi bangladesh o hab nani bagwi legal sep tong o, phiya ba abo rok tong phano abo hai khe illegal twi khe no kai nwi hakotor ni loku rok thang phai khwlai tongkha, abo ni bagwi kai nwi bwkhak twi no tong kosong loku rok no kaham khe naikol nani nang nai. bisi nwi ni ulo sak ni hakotor o kiphil nani sep manwi tei sak ni nok ni boork bai malai mani o belai khe no tongthok lai jak illegal khe hab mani bangladeshi rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
