Takwlai bisi ni bidhansabha ni winter session oh kwbangma luko-hamkrai ni projects rokno chengsana bagwi yapri naharkha haste ni montri okra. Aroni bisingo kaisa wngkha ‘mukkha montri jana arogga yojana’. Ayushman bharat projects ni sep sap bai karjak nukhungni borok rok no ‘mukkha montri jana arogga yojana’ o tubujaknai- kwrak salo secretariat o kaisa kokthum panda khwlaiwi abohai no sakhwlaikha haste ni beraikhiri tangbedek tei chamung tangbedekni montri Sushanta Chowdhury. Bo teibu sakha, haste ni 9 lakh 75 thousand nukhungni bisingo 4 lakh 50 thousand nukhungno pradhanmontri jana arogga yojana eba Ayushman bharat projects o tubujakha. Ayushman bharat projects ni sep sap manai nukhungni borok rokno karwi kubuni nukhungni borok rok no mukkha montri arogga yojana ni sep sap manai. Sebok khwlainai rok bo oh projects ni sep sap manai. Phiyabha sebok rok haphangni bwkhak twi bisi o 6 thousand manwi tongmani, abono ma yakarnai, aboni yagulo no oh projects ni sep sap manai borok. Haste ni lukorog no oh projects ni sep sap rina bagwi bisi o 104 crore rang swbaijaknai. Oh projects ni sep sap manai rok sakham nogo kwlaikha, sakham nogni discharge wngmani yagulo 15 days ni bagwi magwna bithi chanani sep manai. Hakotor ni jeswk sakham nog ayushman bharat projects bai khobjagwi tongo, ah sakham nogo oh mukkha montri jana arogga yojana ni sep sap rok bo manai. Aboni logi bo teibu sakha, haste ni thwngtangbedek bai khobjak 226 Junior Physical Instructor ni achukthai bukcha tongo. Ah achukthai rogo dakti no sebok tichokjaknai. Ah sebok khwlainani hnk bwswk jora twi qualifition nang aborok no twiwi sai khwna rikha montri. Aboni logi salgwra Tripura ni Dharmanagar bwkhaste o kaisa cancer sakham nog swnamna bagwi bo sakhwlaikha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
