Loksabha chongmari ni swkang haste gwnagui BJP bai gwdal mani kwbang no nukjak tong kha, tang salo bharatiya janata party sonamura mandal ni luajimung bai bejimara amchai o kaisa sabha songsa jak kha, ah salni sabha oh 213 nwkhung ni 817 jona voter CPIM tei congress bodol yakarwi BJP bai gwdal phai kha, kwtal rok no bodol ni bana bai khwlawi lamsogwi nahar kha BJP pradesh achugphang Rajib bhattacharjee.phiya ba ah sabha o phawi man jak phai mani nukjakha Rajib bhattacharjee no karwi bo bharatiya janata party ni
minority morcha ni haste achugphang Billal Mia, sonamura nagar panchayet ni chairman Sarada chakraborty akosong. ah salo kok narugna phuru pradesh BJP ni achugphang saklai kha, BJP hapang loku rok ni hapang,oh hapang haste ni joto thai ni loku rok ni bagwi samwng khwlai oh, tei 2028 bisi ni ulo 2023 bisi oh bo teisa haste o ah hapang no kwplai ung kha, abo ni logi ah salo bo haste ni kwcham montri okra Manik sarkar tei CPIM ni haste tangphang Jitendra chowdhury no chalange khwlawi bo kok samani nukjakha, lai thanai bisi nwi chi ba o communist rok haste ni loku rok ni bagwi mwng sa bo samwng khwlai liya, lai thanai bisi dok o bharatiya janata party ah samwng rok khwlawi phunok kha, lai thanai bisi nwi chi ba o yaksi ni jora oh sonamura amchai oh 893 sarkari nok bagwi rwjak kha, phiya ba BJP bisi dok oh ah amchai oh 14,513 sarkari nok bagwi rwmani nukjakha. tang salo rajakhor aguli o sonfsa jak mani tei kaisa sabha oh kebeng nai bodol ni adong rok BJP bai gwdal phai nai hwnui sakha pradesh BJP ni achugphang Rajib bhattacharjee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
