Sakbaithang ni bwsai busa tong twtwi kwbui ni chwla bai yak romwi kharwi thangkha kaisa nwkhung ni hamjwk. pati mwng rishyamukh bidhan sabha gana haripur amchai oh,ah nwkhung ni hamjwk ni mwng Dhoni debnath. abo no twi sakbaithang sawi khwna rwkha nwkhung ni hamjwk ni bwsai Suman debnath, bo saklai kha, lai thanai 2015 bisi oh rishyamukh bidhan sabha bai khobjak bashpaduwa amchai ni no tong nai Dhoni debnath bai kaijak mani, phiya ba jora kisa lai mani yagulo sai mankha social media twi bihik Dhoni debnath bai belonia thana bai khobjak chelagang ni Pranab roy ni mwngui khorok sa sikla bai malai lai kha, ah kok sai man mani ulo bihik no ah sikla bai kok ta sadi hwnui bo mana khwlai mani bwsai Suman debnath, phiya ba 2023 bisi ni 29 august samwng ni bagwi bwsai no sawi nok ni simi ongkhor mani Dhoni debnath, phiya ba tei nogo kiphilwi phailiya. abo ni ulni simi no naitug mwng khwlai nani cheng kha nwkhung ni hamjwk ni buma tei bini bwsai.naitug mwng khwlawi sai mankha, belonia thana gana chelagang ni Pranab roy ni mwngui ah sikla bai kharwi thangkha ah nwkhung hamjwk.abo simi ya, rang chak nai manwi rang tei nangkuk mani manwi khwnui joto no twlangwi kharwi thang kha, abo niulo bihik no kiphilwi man nani bagwi lai thanai 30 august belonia mohila thana o missing dairy khwlawi kha bwsai Suman debnath. paithago kokti salo belonia thana oh tubwi phai kha Dhoni debnath tei bini hamjakma chwla Pranab roy no.ah koktwma manwi buma no kiphilwi man nani bagwi bupha tei nana ni yak romwi belonia thana oh phai kha Dhoni debnath ni umar dok bisi ni chwrai bwsa.phiya ba thana oh phai phano buma no kiphilwi man liya umar dok bisi ni bwsala. sak ni bwsala ni bwskang o no hamjakma chwla ni yak romwi thangwi paikha Dhoni debnath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
