Bwrwi rok ni phan baririnani, self help group bai kaham halok swnamung, borok ni dukhu sukhu oh borokni ganao bhachamung tei borok no sep sap rimungno Bharatiya Janata Party ni nasikmung. Aboni wngwi no bodol ni hakotor rwk president JP Nadda kaisa nangkukmani yapri naharkha, Bharat hakotor ni SSG tei bwrwi rok bai naikoljak jeswk NGO tongo, borokno twiwi hakotor rwgwi Shakti Bandhan samung bwtang panda songchajaknai- swrang salo pradesh ni samung bwtang panda o manjagwi abohai no sakha haste ni montri okra Dr.Manik Saha. Asalni pandao manjakha pradesh BJP ni editor Papiya Datta, Badharghat bidhansabha kendra ni MLA-jwk Mina Rani Sarkar, Agartala municipal corporation ni mayor Dipak Majumder, deputi mayor Manika Das Datta tei Sadar hangkhor ni president Ashim Bhattacharya. Asalni pandao kok narukna thangwi montri okra sakha, hakotor ni bwrwi rok ni hamkrai ni bagwi tei borokni ajimungno bari rina bagwi sak tharwi samung khwlaiwi tongo montri bokhorok Narendra Modi. Bwrwi rok ni phan no bari rin bagwi tei bwrwi rok no ajimungni bwkhak kha-thangsarina bagwi no chasalo Shakti bandhan samung bwtang panda songchajakha. Tripura haste ni joto hangkhor oh tei joto mondal oh phainai talnwi ramwi shakti bhandhan panda songchajaknai hinwi sakha montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
