Tripura Medical college chini tourist spot, Tripura medical college ni faculti rok no twiwi koktisalo Hapania ni Tripura Medical college ni Vivekananda auditorium ni phiyogmung panda tei TMC tei BRAM Teaching sakham nog ni bisi chi char bisi pungsama salno kitingwi songchajak panda o abohai no sakha haste ni montri okra Dr.Manik Saha. O panda o kok narukna thangwi montri okra sakha, thanai salo o college ano anek kisu rikha, phiyabha o college ah jorao thwngrwng hapharni bising twi naikoljagwi tongmani, Ah jorani principal no phatar ni tubujakha, Ah principal ni bising twi no ano kwcharina naimani, phiyabha ano kwchariwi manliya. Koksilsamung kaisa no ang kebengnai bodol ni khorok sa sipai. Ah jora ni montri okra Manik Sarkar sakha, Manik Saha khorok sa kaham Dr., phiyabha bo kebengnai bodol ni borok, o kok no ang belai no wanajakha. Ah jorao no ang yapri naharkha je, angto kebengnai bodol ni sipai, aboni bagwi ang Ramprasad Paul ni yak ramwi bini bodol o habwikha. Aboni bagwi no ang tini ani thaio sokphaikha. Khorok sa professor ni simi haste ni montri okra wngkha. Asalo sak naikolnai rok ni bagwi sakha bo, sak naikolmani jagao chwng teibu puito ma tubunai. Serious bemar rok no AGMC o refer khwlaimani thik ya. AGMC o sak naikolwi mano hnk aro khe tangwi sak naikolwi manya wngnai. Lukorog ni bwkhak o puito ma tubunai AGMC o jetwi khe sak naikolwi tongo, aro bo abohai no sak naikolmung ma tubunai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
