Haste ni tourism no teibo kaham khwlai nani bagwi kwbangma samwng bwtang yago nahar kha haste tourism tang bedek ni bwkhak twi. abo ni logi dal bidal jora oh haste hapang no sep rwoi tong kha kendriya hapang bo. oh haste ni kwbangma tourism thai rok no loku rok ni bwskang o tisai phunok nani bagwi haste ni tourism brand ambassador ungwi chonghor jak mani bharatiya cricket bodol ni kwcham thung nai kwrung Sourav ganguli no. sangrong salo tourism tang bedek ni luajimung bai songsa jak mani kokthum panda o abo hai khe no kok narugkha haste ni thanglaisu tang bedek ni montri Sushanta chowdhury. bo saklai kha,bisi burum burum no october tal o haste o kwbang khe loku rok berai na bagwi phai oh, abo ni kahai 2022-23 bisi oh october ni simi december tal jora 84 thousand’s 217 jona tourist beraina bagwia haste oh phai kha,
phiya ba Sourav ganguli haste o brand ambassador ung mani ulo 2023-24 bisi o lai thanai tal tham oh 1 lakh 55 thousand’s 183 jona tourist beraina bagwi phai kha haste oh.abo ni bagwi 2023-24 bisi oh Tripura tourism devlopment cell ni account o 23 lakh rang joma khwlaui kha, ah sal ni kok thum panda o haste o thanglaisu tang bedek ni kwtal samwng bwtang o yago nahar jak tongkha hwnui sakha montri.abo ni bising oh ungkha’Home stay’.haste ni tourism no teibo kwchug o karwna ni abgwi phai tong nai 12 february ni simi narikel kunjja o kai chi sa home stay songsa jak nani nai tong kha, abo no karwi bo dumboor twisa oh house boat songsai rwna ni bagwi bo sep nahar jak kha hwnui sakha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
