Koktisalo Sishu Bihar Alamoni association ni chuba bai Sishu Bihar rwngnogni auditorium o kaisa thwirimani panda songchajakha. O panda o manjakha Agartala municipal corporation ni mayor Dipak Majumder no khobui kubuni adongrok. Bono karwi bo ah panda o manjakha rwngnogni SMC committee ni chairman eba Sadar bwkhaste achukphang Arun Dep, corporator Shikha Banerjee no khobui kubuni adongrok. Asalni panda o kok narukna thangwi mayor sakha, Bidhansabha chongmarini swkang haste ni sarkari blood bank rogo thwi ni biyal nukjakha, aboni bagwi thwi jugalna bagwi eba thwini biyalni yak kakna bagwi haste ni joto lukorog no koikha haste ni montri okra Dr.Manik Saha. Montri okra ni kobokmungno khorang yachagwi haste ni kwbangma songstha, club tei kwbangma private tei sarkari songstha ni bwkhak twi salbrom no thwirimani panda songchagwi tongo hinwi sakha bo. Aboni yagulo mayor teibu sakha, jerok thwi rikha, borok, borok ni langmani joto ni sai kotor samung khwlaikha, tei Manav Dharma no palaikha borok. tamoni hnk thwi ni kono dharma kwrwi, Thwini dharma wngkha humanity.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
