Bodol ni bwkhak twi haste ni bising oh no bwskang o thangjak khowai hangkor,abo ni ulo bo thinang rogo tamo ung nai, loksabha chongmari no bwskang o tonwi bodol bomtwi khe teibo phan ung nai, abo no twi kok salai nani bagwi tang salo khowai hangkor o thangkha pradesh BJP mohila morcha ni achugphang jwk Mimi majumdar, khowai BJP mandal ni haba nogo hangkor mohila morcha ni samwng khwlainai rok no twi ah salo achuglai mwng khwlai kha bo, bo saklai kha hakotor gwnagui mohila morcha ni dal bidal samwng bwtang songsai rwjakha, abo ni bising oh ungkha, Selfie with Beneficiary. abo ni logi bo teibo saklai kha, phai tong nai 10 february ni simi oridsha o songsa jak nani nai tongkha sarba bharatiya mohila morcha ni nangkuk mani achuglai mwng. Tripura haste ni simi kwbang no loku rok ah panda o thangwi manjak nai,bharatiya janata party pradesh achugphang Rajib bhattacharjee tei haste ni montri okra Dr.Manik saha phunok mani lama ni kahai khe no Tripura mohila morcha teibo bwskang o thang nai hwnui sakha tang salo. phai tong nai loksabha chongmari o samwng bwtang yago nahar nani nang tong kha mohila morcha. bwrui rok ni bagwi hakotor ni montri bokhorok Narendra modi ni dal bidal samwng bwtang no twi kok salaikha pradesh BJP mohila morcha ni achugphang jwk Mimi majumdar. tang salni achuglai mwng o phawi manjak phai kha khowai hangkor mohila morcha ni achugphang jwk Aparna singh roy, haste committee ni ojama Manashi ghosh, khowai durga nagar ni booth achugphang eba corporator Usharani singha, pradesh mohila morcha ni adong jwk Hela rani debbarma, MLA Monoj kanti deb tei panchayet samiti ni vice chiarman Tapash kanti das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
