Phai tong nai loksabha chongmari ni kok bokhorok oh tonwi naikolnai bodol BJP samwng bwtang yago naharakha, chongmari jesuk gana phai tongkha naikolnai bodol ni bisingo asuk no samwng teibo khwlai jak tongkha, haste ni kai nwi loksabha achugthai o no BJP bodol no kwplai khwlawi hakotor ni montri bokhorok Narendra modi no sokat rwna ni nai tongkha, abo no kitingwi no raida khwlawi bodol ni joto thai ni simi romwi hangkor tei mandal gwnagui achugthai khwlai tongkha, Tripura ni kai nwi loksabha achug thai o kwplai ungwi montri bokhorok Narendra modi no sokat rwjak nani haste napang ni kaisa no naikol mwng. tang salo pradesh BJP ni haba nogo achuglai mwng khwlawi abo hai khe no kok sakha pradesh BJP ni achugphang Rajib bhattacharjee, ah salo Rajib bhattacharjee saklai kha, phai tong nai loksabha chongmari no bwskang o tonwi salthang Tripura achugthai tei salka Tripura achugthai ni kwtal voter rok no twi achuglai mwng khwlai jak kha, ah salo bo teibo saklai kha, Tripura ni kai nwi loksabha achugthai o batainai no kwbang kuk vote bai khwlai kwplai khwlawi Narendra modi ni yak no teibo phan kwbang khwlai nani. pradesh BJP ni luajimumng bai songsa jak mani achugthai o achugphang Rajib bhattacharjee ni logi teibo kwchug thai ni samwng khwlanai rok bo phawi manjak phai mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
