Chandrayaan-3 talo yakung rimani bagwi Koktisalo montri bokhorok Narendra Modi ni ‘Mann Ki bath’ panda o hai no hai ISRO ni Scientists sngno hambai yapharkha. Talbrom ni paithakni koktisalo hakotor ni lukorog ni bagwi kok narugo montri bokhorok Narendra Modi. Hakotor ni joto lukorog no rakhi ter ni bagwi kha kaham tei hamjakma yapharkha montri bokhorok Narendra Modi. ‘Mann Ki bath’ panda o kok narukna thangwi montri bokhorok Narendra Modi sakha, ISRO ni oh mission Bharat hakotor ni bwrwi rok ni phan ni kaisa mangpili. Modi Lal Qila o tong totwi sakhwlaije, Hakotor no teibu kwrak tei phan gwnang khwlaina hnk, bwrwi rok ni hamkrai no teibu bwskang ni bwkhak ma twlangnai. Bwrwi rok ni phan no wngya no wngriwi phunukka. Chandrayaan-3 bini sak sak proman. O mission o kwbangma bwrwi Scientists tei engineers rok direct gwdaljak. Borok ni sak tharwi samung khwlaimani emang mwkthang wngya. Bharat tabok je kuno situation no kwplai wngnani saimano. Hakotor yoksamani Amrit Mohotsav o Chandrayaan-3 talo yakung rimani chini bagwi belai no kungchukmung. Talo yakung rimani saltham wngkha, phiyabha abono twiwi jeswk fano koklam salaidi aswk bai paiya, tamo ni hnk Chandrayaan-3 Bharat hakotor ni laibuma swikha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
