Bharat ni Gymnastics oh khorok sa mung gwnang gymnast wngkha Dipa Karmakar. 2016 bisi ni Rio Olympic Games oh belai kaham performance khwlaimani bagwi Gymnastics oh sinimung mankha. American ni kwrwng Gymnast Simona Biles bai saman saman khe choba khwlaikha Dipa Karmakar. Kisa sani bagwi no medal manliya bo. Aboni yagulo dukhumankha bo. Sal kolokma ramwi dukhumanjak tongmani bo, aboni yagulo kiphilwi phaikha bini swkangni duniya oh. Bisi chuku ni yagulo gymnast oh kiphilwi artistic gymnastics vaulting table event oh kwplai wngkha. Tabok phainai February talni 16-18 salmario Cairo songchajak world cup bodol oh chongkha bono. Hai no hai world cup oh sera wngnani bagwi kha-thangsarina bagwi chasalo Dipa Karmakar tei bini coach Visveshwar Nandi no kha-kaham tei hamjakma yapharkha Tripura Olympic association ni members rok. Cairo oh songchajak world cup oh kaham performence khwlainai hinwi kha-khwlaikha Dipa Karmakar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
