Walai kok no twiwi hor kwthogo Pradhanmontri abhash yojana bai khobjak chi bwri nogno swbai rikha samung sitra tangnai rok. Teliamura thanabai khobjak Brahma chhara Koloi para amchaio oh patimung patikha. O patimungno kitingwi chasalo lahar kasulaikha amchaini lukorog. Koktwma o saimankha, Teliamura R.D. Block amchaini salgwra brahma Koloipara amchai ni lahar oh dopha no twiwi kok banglaiwi chi bwrwi nogno swbai rikha samung sitra tangnai rok. Chasalni phungo oh patimungno nogwi lahar kasulaikha amchaini lukorog. Khursathai kwlaio bisi kolokma ramwi oh amchaio wanjwi bosong tei tiprasa bosongni lukorog kwthalaiwi tonglaio. Phiyabha swkango abohai mungsa patimung patiyakhu. Phiyabha amchaini lukorog koksilsakha, tipra motha ni supremo Bubagra Pradyot Kishore Debbarma ni kok samano kitingwi no abohai patimung patirikha samung sitra tangnai rok. Amchaini lukorog teibu koksilsakha je, abohai patimungno patiriwi haste o dopha no twiwi danga phwnangna naiwi tongo samung sitra tangnai rok. Patimungni koktwma manwi patimung thaio thangkha naimwthang bodol tei aboni yagulo amchaini lukorog bai koklam salaikha amchaini MLA eba montri Bikash Debbarma. Ah amchaio security system achukrina bagwi kok rikha. Montri ni bwkhak twi abohai kok no khwnawi paithago lahar kasumani rosawi naharkha amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
