Tini phil sini chi ba bisi prajatantra sal. Bisi brom brom no belai no borom riwi palaijagwi tongo oh sal. Bisi brom brom no haste-rwk prajatantra sal Assam rifles thwngkholao palaijagwi tongo. Takwlai bisi oh bo abohai khe no palaijakha. Phasalo haste ni Governor Indrasena Reddy Nallu ni yak ramwi national flag no tisawi prajatantra ni sal palaijakha. Asalni pandao manjakha haste ni montri okra Dr.Manik Saha, chief secretary J.K Singha, director general of police Amitabh Ranjan, Agartala municipal corporation ni mayor Dipak Majumder no khobui haste ni kuchuk berem ni officers rok bo manjakha. Asalni panda o kok narukna thangwi Governor Indrasena Reddy Nallu sakha, tabokni BJP haphang lukorogni hamkrai ni bagwi sak tharwi samung khwlaiwi tongo. Rwng tangbedek tei sakham tangbedekni simi joto tangbedek oh sak tharwi samung khwlaiwi tongo, tei phainai salo bo khwlainai hinwi kha-khwlaikha. Asalni parade oh bebagwi 16 platoon rok manjakha. parade ni security system ni puila thai naharkha TSR bwrwi platoon, tei 2nd ni barja naharkha Assam rifles platoon, 3rd ni barja naharkha TSR ni 14 no battalion platoon, tei baisa bwkhak non security ni puila barja naharkha Assam rifles public school platoon, 2nd ni achukthai naharkha NSS Platoon tei 3rd ni barja naharkha NCC a division platon. Asalni pandao medal manai police rok ni mung sakhwlaijakha. Abono karwi bo 2022-23 bisi ni best forest ranger, 2nd forest ranger tei 3rd forest ranger rok no sokat rikha Governor Indrasena Reddy Nallu.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
