Hakotor ni logi Tripura haste o bo belai no borom rijagwi palaijakha phil sini chi ba bisi prajatantra sal. Prajatantra sal bai kwrwngjak Indian Constitution. Indian Constitution ni khoshra Committee ni tangphang wngkha Dr. BR Ambedkar. 1950 bisi ni 26 january ni salmario songchajakha Indian Constitution. Asalo muito khwlaina bagwi no bisi brom brom ni 26 january ni salmario prajatantra sal palaijagwi tongo. Phasalo Agartala belai no borom riwi Agartala municipal corporation ni bwkhak phil sini chi ba bisi prajatantra sal palaijakha. Asalo municipal ni habanogo national flag tisakha Agartala municipal corporation ni mayor Dipak Majumder. Kok narukna thangwi mayor sakha, 1950 bisi ni 26 january oh hakotor ni Constitution no songchajakha. Aboni kaisa no nasikmung Bharat hakotor ni lukorog ni Fundamental rights no safety khwlainani bagwi. Constitution oh bharat ni lukorog ni bagwi je Fundamental rights swijakha, abo 2014 bisi oh bharat hakotor ni montri bokhorok Narendra Modi ni jorao soi soi no mwkthang wngkha. Constitution no bwskango toniwi no samung khwlaiwi tongo kendra haphang. Phil sini chi ba bisi prajatantra sal no kitingwi haste ni lukorog no kha-kaham tei hamjakma yapharkha bo. Asalni pandao manjakha Agartala municipal corporation ni mayor Dipak Majumder, additional commissioner no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
