Tabokni sikla hoda rok no phainai salni thinang. Hakotor ni thinang borok ni yagu no. Aboni bagwi hakotor ni hamkrai ni bagwi oh sikla rok no vote rinano twiwi hujak khwlaina bagwi 14 bisi National voters day no kitingwi hakotor rwgwi no palaijagwi tongonaba motdata sammelon. Hakotor ni logi haste ni kwbangma thai o bo pradesh yubha morcha ni luajimung bai naba motdata sammelon songchajakha. Asalo 36-Santirbazar mondal yubha morcha ni luajimung bai naba motdata sammelon lukorog bai koklam salaikha haste ni kwcham montri okra eba rajyasabha ni MP Biplab Kumar Deb. Asalni pandao kok narukna thangwi congress tei communist rok ni hamya naikolmung no twiwi kok sakha bo. Bo sakha, hakotor yoksamani yagulo congress rok bharat hakotor no engresh rok hai khe naikolna muchungjakmani. Congress rok kaisa nukhung bai naikoljak habar swnamna naimani, borok, borok ni nukhungni members ni bising twi hakotor no chalokna naimani. Communist rok bo abohai no khwlaina naimani, phiyabha tabok borok tabok yakung ni moila hai wngwi tongkha. Asalni pandao Biplab Kumar Deb phaio hinwi saimanwi kwbangma sikla rok belai no kha-thangsajakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
