Thanai 22 january ni salmario Ayodhya ni Ram mondir oh Ramlala no jib riwi phiyogwi rikha hakotor ni montri bokhorok Narendra Modi. Sanatan dharma, tei bharat hakotor ni mangpili no hona naikha congress tei communist rok. Phiyabha borok ni oh emang mwkthang wngliya. Thanai 22 january ni salmario 140 crore bharat hakotor ni lukorog prove khwlaiwi rikha sanatan dharma no-sangrong salo Udaipur ni mata Tripura sundari mondir othangwi abohai no sakha haste ni kwcham montri okra eba rajyasabha ni MP Biplab Kumar Deb. Tripura sundari ama ni mondir no Tripura haste ni joto dopha ni malaimung thai hinwi sakha kwcham montri okra. Udaipur oh bini phainani bagwi kwrak security khwlaijakha. Sangrong salo Udaipur oh mwtai rimani yagulo Biplab Kumar Deb sakha, Narendra Modi no kubui. Kwtal kwcham joto no kwthalaiwi tonglaimani no Bharatiya Janata Party ni nasikmung Loksobha chongmarini swkang ama Tripura sundari mondir ni thani mwtai riwi haste ni lukorog ni hamkrai ni bagwi surikha haste ni kwcham montri okra eba rajyasabha ni MP Biplab Kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
