Sangrong salo salgwra Tripura hangkhor ni Bagbasa bidhansabha kendra ni 15 no bhoth oh kaisa panda songchajakha. Asalni pandao manjakha Loksobha ni MP Rebati Tripura, Bagbasa kendra ni MLA Jadab Lal Nath, bhoth ni president Dibakar Singha. Loksobha chongmarini swkang Tripura oh bodol ni swlaimani mangpili nukjagwi tongo. Asalo 55 voters rok kubuni bodol yakarwi BJP bodol ni bana romkha. Borok no bodol ni bana yapharwi lamsogwi naharkha MP Rebati Tripura. Double engine ni haphang jetwi khe sak tharwi samung khwlaiwi tongo, abono puito chabaikha haste ni lukorog. Double engine ni haphang no Tripura haste ni hamkrai khwlaiwi manai. Lukorog ni bagwi samung khwlaiwi tongo BJP haphang. Asalni pandao manjakha Loksobha ni MP Rebati Tripura, Bagbasa kendra ni MLA Jadab Lal Nath, bhoth ni president Dibakar Singha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
