76 bisi prajatantra sal no kitingwi Delhi oh thangwi tongo haste ni khorok chi tiprasa rwng swrwngnai-swrwngnaijwk sng. Kwrak salo ah rwng swrwngnai-swrwngnaijwk sngno twiwi Gurbhabosti ni tiprasa hamkrai tangbedekni habanogo kaisa koklam khwlaikha Tiprasa hamkrai tangbedekni montri Bikash Debbarma. Asalni panda paimani yagulo montri sakha, aboni sai swkang tiprasa rwng swrwngnai swrwngnaijwk sng phatar haste o thangwi abohai panda o manjakya khu, phiyabha takwlai bisi o tiprasa hamkrai tangbedekni luajimung bai haste ni dalbidal school ni khorok chi rwng swrwngnai swrwngnaijwk sngno phainai 26-january ni salmario prajatantra songchajaknai Delhi-o, ah pandao manjakna bagwi no borok no rahorjagwi tongo, tei borok ni thangnani phainani tei tongnani chanani joto rang tiprasa hamkrai tangbedekni bwkhak twi rijaknai hinwi saimankha. Asalni pandao manjakna bagwi khorok chi wng swrwngnai swrwngnaijwk sngno formal richum bakjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
