Ram mandir songsai rwmani ulo sak ni kok narugma oh montri bokhorok Narendra modi saklaikha, ram no twi hakotor ni hukumu ni kok. hakotor ni laibuma rok joto no sawi khwna rwkha, bo saklaikha, baksha baksha borok samani ram mandir ungkhe hakotor oh hor nangwi thangnai. abo rok mwng sa bo ungliya, abo no tini nukjakha.ram mandir hoda ni joto loku rok no kaham lama phunok nai. tang salo ayodhya ni ram mandir songsai rwmani ulo phawi manjak phainai joto loku rok ni bagwi kok narugkha uttar pradesh ni montri okra Yogi adityanath.abo ni ulo no kisa jora ni bagwi kok narugkha rastriya sangha ni okra naikolnai Mohon bhagbat.abo ni ulo no kok narukha montri bokhorok Narendra modi.puila o no bo sakha joto ni emang no tini soi ungkha. chini Ramlala tabuk kaisa nok mankha, Ramlala tabuk ni simi mwtai nogo tongnai.22 january ni sal kaisa chini bagwi kwthar sal ungwi phaikha. Bharat hakotor kaisa kwtal laibuma swnamkha. tini ni simi kwdukma bisi ni ulo phano tini ni kok mwitu ton nai joto no.abo rok chung mokol baithang no nugwi mankha.abo ni ulo no ram mandir ni legal complication no twi montri bokhorok saklaikha, bharat ni justice system no hambai yaphar o.Prabhu ram ni mandir bo raida ni kahai no swnam jakha. chini thinang chini agi ni simi teibo kaham ungnai. baksha baksha borok samani ram mandir ungkhe hakotor o hor chungwi thang nai, phiya ba abo rok nukjakha. Ram simi chini bagwi ya, Ram joto ni bagwi no, Ram simi tabuk ni jora ni bagwi ya,hayung gwnagui no Ram tong nai,abo ni ulo no montri bokhorok Nareandra modi swng mwng khwlai kha, mandir ungwi thangkha,abo ni ulo tamo ung nai hwnui.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
