Tangsalo huijak koktwma ni bising twi 72kg sidi kwran romkha salgwra Tripura hangkhor Churaibari thanani OC Samaresh Das. Huijak koktwma ni bising twi phatar haste o twlangna swkangno sidi kwram twijak MH40BL-7944 number ni khungsa malkhung no romkha bo. Courier service ni kubuni manwi khwnwi rok no aro mankha hinwi sakha police. Ah malkhungo 72 KG sidi kwran romkha tei bini hati dor 21 lakh wngani hinwi sakha salgwra hangkhor ni police super Bhanupadh Chokborty. Malkhung chaloknai Bijoy Kumar Rebot tei assistant malkhung chaloknai Edrish Ali no bo romkha. Borok Khorok nwi borok ni nog Assam haste o hinwi saimankha. Aulini simi manwi khwnwi twiwi Assam haste o thangwi tongmani hinwi sakha malkhung chaloknai. Romjaknai rok no kebengwi NDPS oh mamla khwlaikha Churaibari thanani police. Police remadn sanwi Dharmanagar ni nogo tisajaknai borok. Phekjaknai manwi ni naichermung phainai salo bo tongnai hinwi sakha Churaibari thanani OC Samaresh Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
