Kwtal bisi chengdrop oh no songsa jago haste gwnagui mela. abo rok taklai bo nukjakha, dalbidal club ni logi lai thanai kwdukma bisi romwi sishu mela songsa jakmani nukjago borduwali madhyapara ‘nobo angikar samajik motha’.taklai phil chi ba eba 15 bisi sishu mela tei saktharwi thwi rwmani panda songsai rwjakha,’nobo sangikar samajik motha’.kokti salo montri okra Dr.Manik saha ni yak romwi no ah sishu mela tei sak tharwi thwi rwmani panda songsai rwjakha.montri okra no karwi bo phawi manjak phaikha thanglaisu tang bedek ni montri Sushanta chowdhury, agartala pura nigam ni mayor Dipak majumdar tei 33 no.ward ni corporator Abhijit mallik akosong. ah salni panda o kok narugna phuru montri okra saklaikha, joto chwrai rok ni bising o kisa misa kaham naikol mwng tongo.borok ni ah naikolmwng no kaisa hukumu panda ni bising twi tisai phunok nani abo no joto maa-pha ni logi hoda ni joto loku rok ni naikolmwng. Abo ni logi panda o sak tharwi thwi rwmani no twi saklaina phuru montri okra saklaikha, thwi ni bising o mwng sa bo dharma kwrui, tei twhi bai no khorksa borok no mwthangwi mano, chini wansuk mwng no swlai nanimnang nai. ah salo koknargna phuru montri Sushanta chowdhury saklaikha, abo hai sishu mela rogo churai rok phaikhe kaisa naithok habar ungmani abo rok nukjago. ah salni panda o Sarathi ni mwngui kaisa”Saranika”bo phologwi rwjakha,montri okra ni logi phai manjak phainai joto borom gwnang loku rok no phawi manjak phai mani nukjakha,panda pawi saktharwi thwi rwnai rok bai kok sakha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
