Rajakhor aguli ni bazar rokno naithothok khwlai nani bagwi nangkuk mani sep naharkha haste hapang.montri okra Dr.Manik saha ni gosimwngo tabuk ni simi no chengwi rwjakha samwng. bania khwlainai rok ni joto sep sap no twi tei parking zone ni sep bo khwlawi rwjaknai.tong kosong loku rok ni kok wansugwi tei bania khwlai nai loku rok ni kok wansugwi joto phasing twi no sep naharkha haste hapang.rajakhor aguli ni GB tei battala hati o thangwi kokti salo abo haikhe no saklaikha agartala pura nigam ni mayor Dipak majumdar, pradesh BJP ni tangphang jwk Papiya dutta, agartala pura nigam ni deputy commissioner Mohammad Sajjad tei MIC member Pradeep chanda no logi twi hati ni bania khwlainai samiti songbai achuglai mwng khwlaikha mayor.bo saklaikha, montri okra ni gosimwng o no rajakhor agulini hati rogo smart city khwlainani bagwi tabuk ni bising o no sep naharkha, chengwi rwjkaha DPR swnam nani samwng.cherwi naikolmani ulo samwng yago naharnai administration. abo ni swkang sal nwi saltham swkang battala hatio patiwi thang mani kirima sinsa khe hor nangmani abo rokno twi bo kok sakha mayor.deramwng o kwlaijak bania khwlai nai rok no hapang ni bwkhak twi sep rwna ni no twi haste hapang kaham khe no naikolwi tongkha hwnui saklaikha bo. tabuk ni haste hapang tei agartala pura nigam ni luajimung bai dati khe no naithothok khwlai tisanai hwnui sakha rajakhor aguli ni joto hati rokno.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
